‹   Volver

O ganso salvaxe

Mori Ogai

14,50 €

COMPRAR

  • FICHA

    - ISBN:  978-84-121470-2-5.

     

    - 176 páxs.

     

    - 128 x 198 mm.

     

    - Encadernación rústica, cosida, con lapelas.

     

    - Tradución de Gabriel Álvarez Martínez.

     

    - Deseño de cuberta: Carlos Valdés.

     

    - Deseño e maquetación: Irmás Cartoné.

     

  • SOBRE O AUTOR

    Mori Ogai é o pseudónimo de Mori Rintaro (Tsuwano, 1862-Toquio, 1922). Nacido na época Edo (1603-1868), herdou do seu pai o cargo de médico militar, profesión na que chegaría a acadar grandes honores como cirurxián, aínda que tamén destacou como escritor. Foi precisamente a súa formación médica a que o levou a Alemaña, onde estudou de 1884 a 1888 e entrou en contacto coa literatura occidental.

     

    Hoxe está considerado como unha das figuras máis importantes da literatura xaponesa da era Meiji (1868-1912).

     

    Ao seu regreso a Xapón, encargouse de traducir as obras occidentais máis salientables do momento (Goethe, Schiller, Ibsen…), contribuíndo así á introdución do romanticismo europeo no seu país. Promotor dunha gran renovación literaria, esforzouse por fusionar as formas xaponesas e o alento europeo.

  • SOBRE O LIBRO

    Otama é unha moza humilde á que as circunstancias e o desexo de coidar do seu ancián pai empurran a aceptar ser a concubina dun bedel convertido en usureiro. Okada é un gallardo estudante de medicina cuxos paseos o levan con frecuencia por onda a nova residencia de Otama. Odestino, a casualidade e as convencións sociais levarán a que unha e outro se observen, se acheguen e se afasten nunha historia onde o que non se chega a dicir —e o que non chega a suceder— expresa tanto como todo o dito.

     

    Escrita entre 1911 e 1913 e publicada inicialmente por entregas, O ganso salvaxe é a obra máis coñecida de Mori Ogai. Cun estilo moi persoal, a novela suma unha mesurada contención lírica e un coidadísimo respecto pola humanidade dos seus personaxes. É por esta obra polo que o autor, xunto con Natsume Soseki, é valorado como o verdadeiro artífice da creación literaria moderna en xaponés.

     

    * Preme nas lentes para ler as primeiras páxinas.

TAMÉN ESTAMOS AQUÍ

SOBRE AS IRMÁS

Irmás Cartoné é unha pequena editora independente dedicada á tradución ao galego de textos clásicos da literatura universal.

Máis ›

FALA CON NÓS

 

info@irmascartone.com

 Theme design by MuseLayers.