‹   Volver

O inferno

Henri Barbusse

15 €

COMPRAR

  • FICHA

    - ISBN: 978-84-948421-4-6

     

    - 288 páxs.

     

    - 128 x 198 mm.

     

    - Encadernación rústica, cosida.

     

    - Tradución de Celia Recarey.

     

    - Ilustración de cuberta: Carlos Valdés.

     

    - Deseño e maquetación: Irmás Cartoné.

     

  • SOBRE O AUTOR

    Nado en Francia, de pai francés e nai inglesa, Henri Barbusse (1873-1935) iniciou a súa carreira literaria coa poesía e o xornalismo. Con O inferno (1908), obra de marcado carácter naturalista, Barbusse introdúcese por primeira vez na narrativa, acadando certa notoriedade que logo se verá refrendada, en 1916, coa obtención do premio Goncourt por Le feu, obra antibelicista inspirada pola súa experiencia na Primeira Guerra Mundial.

     

    De fortes conviccións políticas, foi un dos membros fundadores do Comité Mundial contra a Guerra e o Fascismo, creado en 1933. Unha das súas preocupacións foi a definición dunha «literatura proletaria». Afiliado ao Partido Comunista francés en 1923, viaxou con frecuencia á URSS, onde faleceu en 1935.

  • SOBRE O LIBRO

    Mentres se instala no hotel no que vai residir, o narrador anónimo de O inferno, un mozo que acaba de chegar a París para incorporarse ao seu novo emprego nun banco, descobre un burato na parede polo que pode ver o cuarto do lado. A tentación de axexar logo se converte en verdadeira obsesión, conforme o protagonista vai presenciando as máis íntimas vivencias alleas.

     

    Décadas antes de que Sartre afirmase que «o inferno son os outros», Henri Barbusse asumiu, en 1908, a tarefa de amosarnos ese inferno nunha novela que serviría de inspiración (non sempre recoñecida) a autores do calibre de Willa Cather, Borges ou do propio Sartre, e que adquire nova relevancia nun tempo no que medios e redes sociais nos ofrecen a oportunidade de converternos, como o protagonista da novela, en perpetuos espectadores da existencia allea.

     

     

    * Preme nas lentes para ler as primeiras páxinas.

TAMÉN ESTAMOS AQUÍ

SOBRE AS IRMÁS

Irmás Cartoné é unha pequena editora independente dedicada á tradución ao galego de textos clásicos da literatura universal.

Máis ›

FALA CON NÓS

 

info@irmascartone.com

 Theme design by MuseLayers.